johnettan

www.instagram.com/praasa_premi

love to write love to make good relations

Grid View
List View
Reposts
  • johnettan 24w

    ചേട്ടച്ഛൻ

    അതെന്താ മോളെ ഞാൻ നിന്റെ എഴുത്ത്‌ സ്റ്റോറി ഇട്ടിട്ടു നീയെന്നെ മെൻഷൻ ചെയ്തു സ്റ്റോറി ഇടാത്തെ? ബാക്കിയെല്ലാവരുടെയും ഇടുന്നുണ്ടല്ലോ, ഞാൻ നിന്റെ ചേട്ടനല്ലേ?

    ചേട്ടായി... ഒരു കാര്യം മറന്നോ?,ചേട്ടായി എന്റെ ചേട്ടൻ മാത്രമല്ല,എന്റെ ചേട്ടച്ഛനും കൂടിയല്ലേ, അതായത് എനിക്ക് ജന്മം തരാതെ തന്നെ എന്നെ സ്നേഹിക്കുന്ന എന്റെ അച്ഛൻ.
    ആ അച്ഛനോടുള്ള നന്ദിയും സ്നേഹവും എനിക്കൊരു thank u ൽ ഒതുക്കാൻ കഴിയുമെന്ന് തോന്നുന്നുണ്ടോ?.അതാണ്‌ ചേട്ടായി ഞാൻ അങ്ങനെ മെൻഷൻ ചെയ്യാത്തെ?
    ©praasa_premi

  • johnettan 26w

    ആദ്യകാഴ്ച പോലും അരികെയെത്താതെ അകന്നിരിക്കെ ആദ്യചുംബനത്തിന്റെ ചൂട് കൂടി അന്ത്യചുംബനത്തിന്റെ തണുപ്പിൽ ഉറഞ്ഞില്ലാതാകുമോ എന്ന ഭയമാണെനിക്ക്
    ©praasa_premi

  • johnettan 26w

    ജാലവിദ്യ തീർത്തിടുന്ന ജാലജാലകങ്ങളിൽ
    ജാലമെന്നതോർത്തിടാതെ ജീവിതം കൊരുക്കയായ്
    ©praasa_premi

  • johnettan 27w

    കുട്ടിയാണന്നു ഞാൻ പൊട്ടികരഞ്ഞതോ കുട്ടിത്തമൊടെന്റെ കുറ്റം മറയ്ക്കുവാൻ
    കുട്ടിയല്ലിന്നു ഞാൻ പൊട്ടികരയ്വതോ
    കുട്ടിയാമെന്നെ തിരിച്ചു നേടീടുവാൻ
    ©praasa_premi

  • johnettan 27w

    അത് വരെയും ഞാൻ അവളെ ഇഷ്ടപ്പെടുകയായിരുന്നു. വെറുതേ... ഒരു ബന്ധവും സങ്കൽപ്പിക്കാതെ.
    ഒരിക്കൽ അവൾ എന്റെ ആരെങ്കിലുമൊക്കെ ആകണമെന്ന് ഉള്ള് മന്ത്രിച്ചപ്പോൾ ഞാൻ അവളോടാരാഞ്ഞു.
    എനിക്ക് നിന്നോടുള്ള ഇഷ്ടത്തിൽ ഞാൻ ഒരു 'ബന്ധം' കൂട്ടിച്ചേർത്തോട്ടെ?
    പക്ഷെ അവൾ പറഞ്ഞു :
    വേണ്ട, നീ എന്നെ സ്നേഹിച്ചോളൂ, വെറുതേ സ്നേഹിക്കുകയും പ്രണയിക്കുകയും ചെയ്തോളൂ ;എന്നാൽ ബന്ധങ്ങൾ അതിനോട് കൂട്ടി കെട്ടരുത്. കാരണം അഴിച്ചു മാറ്റേണ്ടി വരുമ്പോൾ അവയൊരു കടുംകെട്ടായാൽ അതെനിക്കും ഒരു ബന്ധനമായേക്കാം.
    ©praasa_premi

  • johnettan 27w

    വെറുമൊരു സൗഹൃദം മാത്രമായിരുന്നില്ല അവളെനിക്ക്. അതിനുമപ്പുറം... പ്രണയമാണോ?, അല്ല പിന്നെ എന്തായിരുന്നിരിക്കാം സഹോദരി ആയിരുന്നോ?, സഹോദരി എന്നതിലൊതുക്കാൻ കഴിയുമെന്ന് തോന്നുന്നില്ല, അതിനുമപ്പുറം... അതിനുമപ്പുറം എന്താണ്?, അത്രയും ആഴമുള്ളതെന്താണ്? മകളെപ്പോലെ ആയിരുന്നോ?. പോലെയല്ല ആയിരുന്നു... മകൾ തന്നെയായിരുന്നു. ജന്മം കൊടുക്കാതെ തന്നെ കർമം കൊണ്ടെന്റെ മകളായവൾ... ഇന്ന് ജന്മഫലമായ ബന്ധങ്ങളുടെ നാല് ചുവരുകൾക്കുള്ളിൽ മകളുടെ കർമം നിറവേറ്റാനാവാതെ നീറിപുകയുന്നുണ്ടാകും അവൾ...നെഞ്ചിന്റെ നേരിപോടിൽ എരിയുന്ന കനലിൽ...
    ©praasa_premi

  • johnettan 27w

    പറയാതെയറിയുന്നതിനിയെന്നു പ്രണയിനി പ്രണയം തുടിക്കുന്നോരെന്റെയുള്ളം
    ©praasa_premi

  • johnettan 27w

    ഒരുനാളിവിടം ശബ്ദമയാനമായിരുന്നു
    എന്നാലിപ്പോൾ മൂകമരുഭൂമി പോലെ വറ്റിവരണ്ടിരിക്കുന്നു
    ഇനിയെന്നാണിവിടം കുളിരണിയുക
    ഇനിയെന്നാണിവിടം തളിരണിയുക
    ഇനിയെന്നാണിവിടം ഇതളണിയുകയും ചിരി പൊഴിയുകയും ചെയ്യുക?
    കാത്തിരിക്കുന്നു അവൾ വരും വരെയും
    ©praasa_premi

  • johnettan 28w

    പോകുന്നെനിക്കായി പാതി പങ്കിട്ടു കൊണ്ടെന്നെ തനിച്ചാക്കി ദൂരെ
    പോകയില്ലെന്നേറെ ചൊല്ലിയന്നെങ്കിലും പോകുന്നു ഏറെ ദൂരേക്കായ്
    തിരികെ മടങ്ങുവാൻ തോന്നുമോയെന്നെനിക്കറിവതില്ലെന്നോർത്തിടുമ്പോൾ
    പിരിയാതിരുന്നെങ്കിലത് മതിയായിരുന്നെന്നു ഞാൻ ആശിച്ചിടുന്നു.
    തിരികെ വരാനായ് കൊതിക്കേണ്ടതില്ലവൾ പിരിയുന്നതകലേയ്ക്ക് പോകാൻ
    തിരികെ വിളിക്കുവാൻ അവകാശമില്ലവൾക്കിന്നു ഞാൻ അന്യനെ പോലായ്
    ©praasa_premi

  • johnettan 28w

    മുഖവും നനഞ്ഞ്
    സുഖവും മറന്ന്
    മിഴിയും നിറഞ്ഞ്
    ചിരി തൂകാം
    ©praasa_premi