Grid View
List View
Reposts
  • ormakal 12w

    ❤️

    തെറ്റിദ്ധരിച്ചുപോയവരെ
    തിരികെ കിട്ടുമോ അറിയില്ല.
    അവസാന ശ്വാസം പേറിയ
    സ്നേഹവും പണയം നൽകി
    നേടാൻ നോക്കിയ ബന്ധങ്ങൾ
    ചങ്ങലപൊട്ടിയോടിയകലുമ്പോൾ
    കണ്ണുകളിൽ നിറഞ്ഞ നിസ്സാഹയത
    കാണുവാൻ കഴിഞ്ഞിരുന്നുവോ.
    സ്നേഹം പൊതിഞ്ഞ ശകാരങ്ങളിൽ
    തളച്ചിട്ട കരുതൽ കാണാതെയകലെ
    മാഞ്ഞുപോയ നിൻ നിഴൽ തേടി
    നീ നിറഞ്ഞ വീഥികളിലലഞ്ഞത്
    നീ അറിഞ്ഞിരിന്നുവോ.
    ശല്ല്യമാവാതിരിക്കാനേ കഴിയൂ
    ഓർമ്മകൾ കെടുത്തിയിരുട്ടാക്കാൻ
    അശക്തനാണു ഞാനിന്നും.
    ©ormakal

  • ormakal 12w

    പുസ്തകം

    വായിക്കാൻ മനസ്സറിഞ്ഞു
    കൊടുത്തവർ അറപ്പോടെ
    വലിച്ചെറിഞ്ഞൊരു പുസ്തകം.
    ഇനിയാരാലും വായിക്കപ്പെടാതെ
    ദ്രവിച്ചു മണ്ണടിയാൻ വിധിക്കപ്പെട്ടൊരു
    പഴകിയ പുസ്തകം.
    ©ormakal

  • ormakal 13w

    ❤️

    ഇത്രയുന്നാളേകിയ
    സ്നേഹം കാണുവാൻ
    കണ്ണില്ലാത്തവർ
    തൻ മുന്നിലിനിയും
    സ്നേഹം വിളമ്പി
    മുഷിയുന്നതിൽ പരം
    മൗഢ്യം വേറെയെന്തുണ്ടുലകിൽ.
    ©ormakal

  • ormakal 14w

    ❤️

    അന്നൊരിക്കൽ
    എന്നോടു ചൊല്ലി
    എല്ലാർക്കും
    എൻ്റെയുള്ളിൽ
    ഒരോരോ സ്ഥാനമുണ്ടെന്ന്.
    അന്നോരോന്നോർത്തു
    ഒരുപാടു തുള്ളി ഞാൻ.
    ഇന്നെനിക്കു
    മനസ്സിലായി
    എൻ്റെയാസ്ഥാനം
    കുപ്പതൊട്ടിതന്നെ.
    ©ormakal

  • ormakal 14w

    ❤️

    സ്നേഹം
    വിധിക്കപ്പെടാത്തവരുടെ
    സ്വപ്നങ്ങൾ
    അനാഥ പ്രേതങ്ങളാണ്.
    ഒരിക്കലും
    യാഥാർത്ഥ്യമാകാത്ത
    വിരസചിന്തകൾ
    അലങ്കരിച്ച ശൂന്യമാം
    പേടകങ്ങൾ.
    ©ormakal

  • ormakal 15w

    ❤️

    അകലുവാൻ
    വിധിക്കപ്പെട്ടവരായിരുന്നു നമ്മൾ
    അല്ലെങ്കിലെന്തിനുമിത്രയും
    ഹൃദയമലിഞ്ഞടുത്തിട്ടും
    കേവലമപരിചിതരെപ്പോലെ
    രണ്ടുകോണിലായലയുന്നു നമ്മൾ.
    ©ormakal

  • ormakal 16w

    ❤️

    എന്നെ മറന്നിടങ്ങളിൽ
    നിന്നെയോർത്തിരിക്കുന്നതും
    എന്നെ വെറുത്തിടങ്ങളിൽ
    നീയോർമ്മയിൽ മിഴി നിറയുന്നതും
    കനവിൽ നിൻ നിഴലാവുന്നതും
    ദിനങ്ങളങ്ങിനെ ഒഴുകുന്നതും
    മറയുന്ന വർഷങ്ങൾ നോക്കി
    ഒരു നെടുവീർപ്പിൻ അകമ്പടിയാൽ വടക്കുനോക്കി യന്ത്രം കണക്കെ
    കാലൊച്ച കാതോർത്തിരിക്കുന്നതും
    ഒരു സുഖം തന്നെയാണ്.
    ©ormakal

  • ormakal 16w

    ❤️

    ഒറ്റപ്പെടലിൽ
    വീർപ്പുമുട്ടുമ്പോഴും
    ഏകാന്തതയിൽ
    മുങ്ങിത്താഴുമ്പോഴും
    നിൻ്റെ മുഖമൊന്നു മാത്രം
    നേർത്തൊരു തണലായ്,
    നനവാർന്ന കാറ്റായ് ഇന്നും
    എന്നിലുമെൻ നിനവിലും.
    ©ormakal

  • ormakal 16w

    ❤️

    എപ്പോ വേണമെങ്കിലും
    കൊല്ലപ്പെടാമെന്നറിഞ്ഞു
    ഭക്ഷണം കഴിച്ചു കൂവുന്ന
    കോഴിയെ പോലെയാണ്
    പലരും പല ബന്ധങ്ങളിലും.
    ഒരു നിസ്സഹായത നിറഞ്ഞ
    അരക്ഷിതാവസ്ഥയാണത്.
    ©ormakal

  • ormakal 16w

    ❤️

    മറുപടിയില്ലാത്ത
    വെളുത്ത വരയെ
    ഭയന്നു പറയാൻ
    മടിച്ച എത്രയോ
    കുഞ്ഞു വിശേഷങ്ങൾ.
    ©ormakal