• featherheart 21w

    ഞാൻ

    ഉറങ്ങാത്ത ഒരായിരം രാവുകളുടെ കരിവാളിപ്പുകളിൽ തൊട്ട് കണ്ണെഴുതി,
    നെടുവീർപ്പുകളിൽ ചുമന്ന സന്ധ്യാകാശങ്ങൾ തൊട്ടൊരു പൊട്ട് കുത്തി...
    മുറിവാഴങ്ങളുടെ ഒരു കടൽ കണ്ണിലൊളിപ്പിച്ച്,
    ഒരേറെ ജന്മങ്ങളുടെ നോവ് ചുണ്ടിലമർത്തി,
    കേട്ടു മടുത്ത പഴികളോരൊന്നും കാതിൽ നിറച്ച്,
    പറയാൻ മടിച്ച വാക്കുകൾ ഒരേറെ നാവിലിറുക്കി ,
    വിതുമ്പി നിൽക്കുന്ന വിരഹം ഉള്ളാകെ തോർന്ന്,
    കളഞ്ഞു പോയ പ്രണയം ഇന്നും തോരാതെ പെയ്ത്,
    മിടിപ്പുകളിലിന്നും നിന്നെ മറക്കാതെ തിരഞ്ഞ് ,
    ഞാനിതാ വീണ്ടും പ്രാണൻ വെടിഞ്ഞ്, മരിക്കാതെ മരിച്ച്.... വീണ്ടും വീണ്ടും...!!!!!!
    ©featherheart