• wannabecreative 45w

    Happy women's day ❣️


    Bhedbhavi soch ek bimari h
    aur isse pidhit yeh duniya sari h

    pichhadi hui soch ka h humara samaj
    halaki badval bhi aaye h kai sare aaj
    Ha mana safar abhi khatm nhi hua
    par dekhiye zara humne kitna kuch h paya

    Mila h hume saman avsar ka vardan
    aur mila h mauka banane apni pehchan
    pehle ghar se nikalne ki na izazat thi
    hume bhi chup chap sehne ki aadat thi
    ab jakar kahi aawaj uthi h
    khud k liye kehne ki himmat juti h

    pataal se aasman tak napa h humne
    par jado se ab bhi h jude
    laakh sapne pure kare, par apni zimmedari se kabhi na mude

    sabne sikha di hume bhi duniyadari h
    phir bhi stree sakti aaj bhi sabse pyari h

    Hum sabka sammaan kare, yeh humari bhi zimmedari h
    Aur hum hi apno ko picche na khiche, iski bhi jawabdari h

    Feminism k naam par kuch bhi kahe, yeh sahi baat nhi
    Har jagah women card khelna pade, itne bure haalat nhi
    Hum sabse behtar h, yeh humare jazbaat nhi
    arre koi aur kya kuch kare, jab hum hi khud k saath nhi

    aur yaad rakhiye,
    ladai samanta ki h, ladai adhikaro ki h
    ladai humare khilaf ho rahe atyacharo ki h

    puri duniya se lad kar bhi wo apno se hari h
    majbut bankar bhi bhavnao ki mari h

    jo samman mila h, uske liye aabhari h
    par jinhe nhi mila, unke liye jang jari h

    shukriya Savitribai Phule ka, jinke vajah se hum aaj yaha khade h
    shukriya unn sabka bhi, jo humari haq k liye lade h
    aur shukriya unka bhi jinhone humare saath anyay kiya h
    kyuki apne haq k liye aage badhne ki zidd unhone hi diya h

    jinhone humare liye aawaj uthai, karte h unhe yaad
    aur chaliye aaj hum sab kare unka dhanyawad

    saath mil jaye toh puri duniya par bhari h
    Ha hum garv se kehte h ki hum nari h
    ~~~~~~~~~~~~~~~~~~~~~~~~~~~~~~

    p.s. posting this here taki yeh ghum na jaye aur hamesha k liye save ho jaye��
    p.p.s. Mirakee kitna change ho gaya h��

    Read More

    Jo samman mila h, uske liye aabhari h
    Par jinhe nhi mila, unke liye jang jari h
    Hum sabka sammaan kare, yeh humari bhi zimmedari h
    Aur hum hi apno ko picche na khiche, iski bhi jawabdari h
    Saath mil jaye toh puri duniya par bhari h
    Ha hum garv se kehte h ki hum nari h
    ©wannabecreative