• rnsharma65 21w

    *ରାକ୍ଷୀ ଅଟେ ସାକ୍ଷୀ*

    ଭାଇ ଭଉଣୀ ଙ୍କ ପ୍ରେମ ନିଦର୍ଶନ
    ଅଟଇ ରାକ୍ଷୀ ପୂର୍ଣ୍ଣିମା
    ଅବଳା ଭଗିନୀ ରାକ୍ଷୀ ର ବନ୍ଧନ
    ଭାଇ ବୀରତ୍ୱ ମହିମା ।।

    ଆପଦ ବିପଦ ଜୀବନରେ ଯେତେ
    ଭଉଣୀ ସମ୍ମୁଖେ ଦେଖା
    ନିଜ ଜୀବନର ପ୍ରତିଦାନେ ଭାଇ
    କରଇ ତାହାକୁ ରକ୍ଷା ।।

    କୃଷ୍ଣା ବାସ ଚିରି କୃଷ୍ଣ ହାତେ ବାନ୍ଧି
    ପାଳିଲେ ଭଗ୍ନୀ ଧରମ
    କୁରୁ ସଭା ତଳେ କୋଟି ବସ୍ତ୍ର ଦେଇ
    ମହତ ରଖିଲେ ଦାମ ।।

    ସୁଭଦ୍ରା ଭଉଣୀ ଜଗା ବଳରାମ
    ହସ୍ତରେ ବାନ୍ଧନ୍ତି ରାକ୍ଷୀ
    ରତନ ମଣ୍ଡପେ ଭଗ୍ନୀ ସାଥେ ଛନ୍ତି
    ସାରା ଜଗତଯେ ସାକ୍ଷୀ ।।

    ଏବେତ ଭାରତେ ରକ୍ଷା ବନ୍ଧନଟା
    ସ୍ଥାନେ ସ୍ଥାନେ ବ୍ୟବସାୟ
    ନିଜ ଭାଇ ହାତ ପଛେ ରିକ୍ତ ହେଉ
    ଧରମ ଭାଇରେ ଲୟ ।।

    ଧରମ ଅଟଇ ସାକ୍ଷାତ ଈଶ୍ୱର
    ବୁଝୁଛନ୍ତି ଏବେ କିଏ
    ସ୍ଵାର୍ଥ ସିଦ୍ଧି ପାଇଁ ବାପ ଭାଇ ଭୁଲି
    ଇଜ୍ଜତ ବିକିଣ ଦିଏ ।।

    ରଖ ନିବେଦନ ଭାଇ ଓ ଭଉଣୀ
    ପବିତ୍ର ରକ୍ଷା ବନ୍ଧନେ
    କ୍ଷଣିକ ସ୍ଵାର୍ଥକୁ ଭୁଲି ଯାଇ ସର୍ବେ
    କର୍ତ୍ତବ୍ୟ ପାଳ ଯତନେ ।।

    ରାମନାରାୟଣ ଶର୍ମା