• ray_madhusmita 12w

    ଦୀପାଲୋକ

    ଜଳିଲାଣି ସଞ୍ଜବତୀ
    ମୋ ଦୁଆର ଚଉରା ପାହାଚେ
    ଉଇଁଲାଣି ଭକତି ଚନ୍ଦ୍ରମା
    ମୋ ହୃଦୟ ପ୍ରଶସ୍ତ ଆକାଶେ
    **............ **..........
    ଶିହରିକି ଉଠୁନାହିଁ
    ତୁମ ଦେହ ଆପାଦ ମସ୍ତକ
    ସଂଚରୁନି ଅଙ୍ଗେ ଅଙ୍ଗେ
    ଅଜଣା ସେ ପୀୟୁଷ ପୁଲକ!
    ବହୁନିକି ପ୍ରେମନୀର
    ରମ୍ୟରସ ପ୍ରାଣପ୍ରିୟ ପାଇଁ?
    ସେଇ ଏକା ଆମ କର୍ତ୍ତାଧର୍ତ୍ତା
    ତା'ର ବିନା ଆନ ଗତି ନାହିଁ
    **............**.............
    ତା'ର ନାମ ଭଜନରେ
    ପାଏ ଯିଏ ପରମ ଆନନ୍ଦ
    ସେଇ ଏକା ଏ ଜଗତ ପୀଠେ
    ବୁଲେ ସଖୀ ହୋଇ ସଦାନନ୍ଦ
    **............. **...........
    ଘୃତ ସମ ଭକ୍ତିତୈଳେ
    ବୁ଼ଡ଼ାଇବା ଶୁଦ୍ଧ ପୂତ ମନ
    ଆଲୋକରେ ଭରିଦେବା
    ଅନ୍ଧାରିତ ପ୍ରାଣର ପ୍ରାଙ୍ଗଣ
    ଦୀପାବଳୀ ମହାଲୋକେ
    ସର୍ବସ୍ଥାନ ହେବ ଆଲୋକିତ
    ହୃଦ ଆଉ ମାଟି ଚଉରାରେ
    ଝଲସିବ ଯୁଗ୍ମ ଦୀପାଲୋକ
    ପୁରୁଷୋତ୍ତମ ସ୍ୱାଇଁ.............
    (SR SES HM)

    ©ray_madhusmita