Miraquill
ഒന്നിച്ചൊരുപാട് ചിരികൾ പങ്കുവെക്കാൻ
ദുഖങ്ങളിൽ ചേർന്ന് നിൽക്കാൻ
തളരുമ്പോൾ ഒരു കൈ തരാൻ.
മധുരമുള്ള കട്ടൻചായകൾ നുകരാൻ..
നീ ഒപ്പം ഉണ്ടാവണം എന്ന അടങ്ങാത്ത മോഹത്തിനു ഞാൻ ഇട്ട പേരാണ്.. നിന്നോടുള്ള എന്റെ പ്രണയം.
©samsonthomas
samsonthomas
1994/19/2
Grid View
List View
Reposts
-
samsonthomas
12w
-
samsonthomas
14w
Unheard
പറയാനും കേൾക്കാനും ഒക്കെ എന്തെങ്കിലും ബാക്കി വെക്കുന്നത് നല്ലതാ..
പറഞ്ഞും കേട്ടും തീർന്നു കഴിയുമ്പോ ചിലരെങ്കിലും ഇറങ്ങി പോകാറുണ്ടല്ലോ?
©samsonthomas -
samsonthomas
23w
ഓർമകളിൽ എവിടെയോ ഒരു മഴകാലമുണ്ട്.. മഴത്തുള്ളികൾ വീണു നനഞ്ഞ പച്ച മണ്ണിന്റെ ഗന്ധം,വല്ലാതെ മത്ത് പിടിപ്പിച്ച ഒരു സന്ധ്യ ഉണ്ട്... മഴയതോടിയലച്ച് ഉമ്മറത്തു കയറിയതിന് അമ്മ തന്ന കിഴുക്കിന്റെ നൊമ്പരം കാതിൽ ഉണ്ട്.. കണക്കു മാഷിന്റെ എണ്ണ പുരട്ടി മിനുക്കിയ ചൂരൽ തല്ല് പേടിച് വെളുപ്പാൻ കാലത്ത് നടിച്ച ഒരു കള്ള പനിയുടെ അകമ്പടിക്കായി, മൂടി പുതച്ച പുതപ്പിന്റെ ചൂടുണ്ട് മേലാകെ..പുറത്താർത്തലക്കുന്ന മഴയിൽ ക്ലാസ്സ്‌ ആകെ ഉത്സവം ആയപ്പൊഴും.. പാളി നോക്കിയ രണ്ട് ഉണ്ട കണ്ണുകളുടെ തിളക്കമുണ്ട് ഇന്നും കണ്ണിൽ..മഴതോർന്നൊരു സന്ധ്യയിൽ നേർത്തു മങ്ങിയ ചുവപ്പ് നിറമുള്ള ആകാശം നോക്കി.. ഒന്നിച്ചു നുകർന്ന ഒരു കട്ടൻചായയുടെ മധുരമുണ്ട് ഇന്നും നാവിൽ..
©samsonthomas -
samsonthomas
30w
ഇരുൾ
ഇരുളിനെക്കാൾ ഇരുണ്ട ഒരിടത്ത് ഒരിക്കലൊരു മെഴുകുതിരി വന്നു
ഇരുണ്ട ഇരുട്ടിൽ തപ്പിതടഞ്ഞവർ വരത്തൻ തിരിയെ കണ്ടു കണ്ണ് പൂട്ടി..
തിരിയെ കൗതുകത്തോടെ നോക്കിയ കുഞ്ഞുങ്ങളുടെ കണ്ണുകളും പൊത്തിപിടിച്ചു..
ഉരുകി ഉരുകി തിരിയും കെട്ടു..
©samsonthomas -
samsonthomas
31w
നീ പഠിക്കേണ്ട എന്നു പറയുന്നവനെ ആദ്യം പഠിക്കണം.
എങ്ങനെയൊക്കെ ആകരുത് എന്നവനിൽ നിന്ന് പഠിക്കാം
©samsonthomas -
samsonthomas
69w
ഒരുവൻ ഉണ്ടായിരുന്നു. തന്നിലെ വെളിച്ചത്തെ എന്നോ നഷ്ടപെട്ടവൻ.. ഇരുട്ടിനെ ഗാഢമായി പുണർന്നവൻ..ഇരുട്ടിൽ തല താഴ്ത്തി കൂനി കൂടി ഇരുന്നവൻ.
അവൻ ഇരുന്ന ഇരുട്ടിൽ പലരും കാണാതെ പോയ അവനെ പക്ഷേ ഒരിക്കൽ ഒരുവൾ കണ്ടു,കയ്യിൽ ഒരു കുഞ്ഞു മൺചിരാതിന്റെ വെളിച്ചവുമായി ഒരുവൾ.. അവൾ കൂട്ടിരുന്നു..നേർത്ത വെളിച്ചത്തിൽ വെട്ടി തിളങ്ങിയ അവളുടെ കണ്ണുകൾ അവൻ നോക്കിയിരുന്നു. അവളുടെ വെളിച്ചത്തിൽ അവന്റെ ഇരുൾ മെല്ലെ അലിഞ്ഞു തുടങ്ങുന്നു എന്നവൻ അറിഞ്ഞു ..
ഇരുളിൽ നിന്നും വെളിച്ചത്തിലേക്കുള്ള അവന്റെ യാത്രയിൽ പക്ഷെ പെട്ടെന്ന് അവളെ കാണാതെയായി.. നേർത്തു നേർത്തു ദൂരേക്ക് ആ വെളിച്ചം മറയുന്നത് നോക്കിനിന്ന അവന്റെ ഉടലാകെ ഒരു തണുപ്പ് അനുഭവപെട്ടു.. ഭീതിപ്പെടുത്തുന്ന ആ പഴയ ഇരുട്ട് അവനെ അപ്പാടെ മൂടി.. ഒരു തരി വെളിച്ചത്തിനായി അവൻ ഏകനായി കാത്തിരിപ്പ് തുടങ്ങി.
©samsonthomas -
samsonthomas
69w
ഇതൾ
എന്നിൽ അവശേഷിച്ച പ്രണയത്തിന്റ ഒടുവിലത്തെ ഇതളുകൾ ഞാൻ അവൾക്കു സമ്മാനിച്ചു.
കൊഴിഞ്ഞു വീണ ആ ഇതളുകൾ ഇനി അഴുകി നാറും.. മണ്ണിൽ അലിയും.
പിന്നെ ഇല്ലാതെയാകും..
ഓർമകളിൽ മാത്രം അവശേഷിക്കുന്ന അതിന്റെ സുഗന്ധം ഞാൻ മാത്രം ഓർക്കും.
©samsonthomas -
samsonthomas
93w
✒
©samsonthomas -
samsonthomas
96w
"മരണം സുന്ദരം ആണ്.. "
"എന്നാരു പറഞ്ഞു? "
"ആരും പറഞ്ഞില്ല"
"എന്തെ പറഞ്ഞില്ല ആരും? "
"മരിച്ചിട്ടാരും തിരിച്ചു വന്നില്ല പറയാൻ "
"അതെന്തേ? "
"തിരിച്ചു വരാതിരിക്കാൻ മാത്രം അവിടം സുന്ദരം ആയിരിക്കാം..അതുതന്നെ"
©samsonthomas -
samsonthomas
96w
കാലം മായ്ക്കാത്ത മുറിവുകൾ ഇല്ല എന്നൊക്കെ ചുമ്മാ പറയുന്നതാ..
മുറിവുകൾ അവിടെത്തന്നെ ഉണ്ട്..
മുറിവേൽപ്പിച്ചവരും മുറിവേറ്റവരും മുറിവിനെ മറന്നു.
അത്രമാത്രം.
©samsonthomas
-
megha_99
36w
Read More#malayalam
ശൈത്യത്തിന്റെ അവസാനം മുതൽ
Artists Square ലെ തെരുവുകൾ തിരക്കുള്ളത് ആവും. ചിത്രകാരന്മാർ,ആസ്വാദകർ,ആർട്ട്‌ ഗാല്ലറികൾ, പ്രദർശനങ്ങൾ അങ്ങനെ ഓരോ കോണിലും ക്യാൻവാസുകൾ,അവ നിറഞ്ഞു നിൽക്കുന്ന നിറങ്ങളും.Van Gofh ഉം,Monet ഉം പകർത്തി വരച്ച paris ഉം അതിന്റെ മുഴുവൻ ഭംഗിയും ഈ തെരുവിലുണ്ട്.ഈ തെരുവിലെ ആകാശത്തിന് പോലും പല നിറങ്ങൾ ആണ്.എവിടെ നോക്കിയാലും ചായങ്ങൾ മാത്രം.
നിറങ്ങളെ തേടിയായിരുന്നു എന്റെയും
ഇവിടേക്കുള്ള യാത്ര.പൂർത്തിയാകാതെ ബാക്കി വച്ചൊരു ചിത്രമുണ്ട് മനസ്സിൽ ഇന്നും ബാക്കിയായി,അതിന്റെ പൂർണത തേടിയുള്ള അലച്ചിൽ ആണ് എന്നെ ഇവിടെ എത്തിച്ചത്.അന്ന് Le Paname യിലെ ചിത്ര പ്രദർശനത്തിന്റെ ഇടയിൽവച്ചാണ് ഞാൻ ആ കണ്ണുകൾ കാണുന്നത്,കടും നീല നിറമായിരുന്നു അവളുടെ ആ കണ്ണുകൾക്ക്.ഇതു വരെ ഇതു പോലെ ഒന്ന് എന്നെ പിടിച്ചു നിർത്തിയിട്ടില്ല.കടലിന്റെ ആഴം ഉണ്ട് അവയ്ക്കെന്ന്‌ എനിക്ക് തോന്നി, അല്ല ഒരു കടൽ തന്നെ ആണ് അതിനുള്ളിൽ.
അടുത്ത ദിവസം ഞാൻ അവളെ വീണ്ടും ആ തെരുവിൽ കണ്ടുമുട്ടി.കലയെ തേടി, അതിന്റെ ആത്മാവ് തേടി യൂറോപ്യൻ നാടുകളിൽ തീർത്ഥാടനം നടത്തുന്ന അമേരിക്കക്കാരി...പിന്നീടങ്ങോട്ടു കലയെക്കാൾ എന്നെ അവളുടെ കണ്ണുകൾ പിൻതുടർന്നു. ഒരുമിച്ചുള്ള യാത്രകളിൽ എല്ലാം ആ കണ്ണുകളുടെ അഴങ്ങളിൽ നീന്തികയറാൻ ആണ് ഞാൻ കൊതിച്ചതും.അവളെ ഒരിക്കലും എന്റെ ചായങ്ങൾക്ക് പകർത്താൻ കഴിഞ്ഞില്ല,എന്റെ ചായങ്ങൾ മതിയാവില്ല ഒരിക്കലും അവളുടെ കണ്ണുകൾ വരക്കുവാൻ... ആ നിറം അവളുടെ മാത്രമാണ്.. അവൾക്കു മാത്രം സ്വന്തമായവ..തന്റെ കുട്ടികാലത്തെ പറ്റി പറഞ്ഞ് ഒരിക്കൽ എന്റെ മുന്നിൽ അവൾ പൊട്ടികരഞ്ഞു. അന്ന് പ്രളയമുഖമായിരുന്നു അവൾക്ക്.ആ രാവിൽ അവളെ ചേർത്ത് നിർത്തി ആ ആഴങ്ങളിലേക്ക് ഞാൻ എടുത്തുചാടി. നിലതെറ്റി ശ്വാസം കിട്ടാതെ അതിന്റെ അഴങ്ങളിലേക്ക് ഞാൻ വീണപ്പോഴും കൂടെ അവൾ ഉള്ളതു പോലെ എനിക്ക് തോന്നി.ആഴങ്ങൾക്കും,ഇരുട്ടിനും അപ്പുറം ഒരു പുതിയ തീരം ഉണ്ടായിരുന്നു. അവിടം തികച്ചും ശാന്തമാണ്, നിശബ്ദമാണ്.എങ്ങും കടും നീല നിറം മാത്രം.
തിരയിളകി, നിലയില്ലാതെ പേടിപ്പിക്കുന്ന കടൽ മാത്രമായിരുന്നു അന്ന് വരെ ഞാൻ കണ്ടിട്ട് ഉള്ളത്.ആഴങ്ങളിൽ കാണാൻ മറന്ന ഏകമായ ഒന്നിനെ ഞാൻ അന്ന് ആസ്വദിച്ചു.അവിടെ ഓളങ്ങൾ ഇല്ല.. എന്നിലേക്ക് മാത്രമായി ഒഴുകി,
എന്നിലേക്ക് മാത്രമായി അവസാനിച്ച ഒരു കടൽ.ശ്വാസമറ്റ ചുംബനങ്ങൾക്ക് അപ്പുറം ഞാനും ഒരു ആഴി ആയി..
എന്നിലെ പൂർണതയെ അന്ന് ഞാൻ കണ്ടെത്തി.അവളുടെ ആഴങ്ങളിൽ നിന്ന് ഞാൻ അവ നീന്തി എടുത്തു. അന്ന് മുതൽ ഞാൻ കണ്ടതിനൊക്കെ അവളുടെ കണ്ണുകളുടെ നിറമായിരുന്നു.
എന്റെ ചായങ്ങൾക്കും ഒരേ നിറം മാത്രം...അവളുടെ കണ്ണുകളുടെ കടും നീല നിറം.
©megha_99 -
thavasree
95w
മനോഹരമായവയെല്ലാം ജീവിതത്തിൽ
ഒരിക്കൽ മാത്രം കടന്നു വരേണ്ടതാണ്.
രണ്ടാമതൊന്നിനായി ആ കാഴ്ച്ചകളും
നേരങ്ങളും വിസ്മയങ്ങളും
രുചികളും നിലനിർത്തരുത്.
അവ ഒറ്റ തവണ കൊണ്ട് ഹൃദയത്തിൽ
പതിയുകയും പിന്നെ നേടാൻ
കഴിയാത്ത വിധം ഓർമകളിൽ
മധുരം നിറച്ചും ജീവിക്കണം!!!
മനോഹരമായവയെല്ലാം ജീവിതത്തിൽ
ഒരിക്കൽ മാത്രം കടന്നു വരേണ്ടതാണ്!!!
നിരന്തരമായി തുടരുന്നവയിൽ,
നീ ഒഴികെ മറ്റെന്തും ഒരിക്കൽ
മാത്രം കടന്നു വരേണ്ടതാണ്!!!!
- തവശ്രീ
©thavasree -
vrindha_viswam
114w
നിലത്തു കിടന്ന ചില്ലു കഷണങ്ങള്‍
കൂട്ടി ചേര്‍ത്തു നോക്കി, ഞാനാ
സ്വപ്നങ്ങള്‍ മരവിച്ച കണ്ണുകൾ കണ്ടു
©vrindha_viswam
